مشروع الريزن للمبتدئين يحتوي علي العديد من الاشغال المختلفة من اكسسوارات الريزن وشيالات وصواني الريون وايضا حامل مصحف من الريزن ايبوكسي, يهتم فنانين الريزن في مصر والوطن العربي بعمل اشكال ريزن متنوعة وفي الفترة الاخيرة تهافت محترفين الريزن علي صناعة حامل المصحف من مادة الريزن.
 |
| حامل مصحف من الريزن |
نور الشافعي
حامل مصحف ريزن
يتم صناعة حامل المصحف الشريف من مادة الايبوكسي ريزن بعدة عوامل مختلفة اهمها مادة الريزن الشفاف, ثانيا شراء قالب سيليكون حامل مصحف لصناعة الحامل.حامل المصحف الشريف بالريزن
فن الريزن من الفنون الجديدة والمبتكرة واللي
بيكون فيها إبداع على كل خطوة بتتنفذ فيها أي قطعه, شفنا الريزن في أشكل كتير من الإكسسوارات
والميداليات والكوسترات والصواني وقوالب تانية كتير، واللي ظهر معانا الفتره اللي
فاتت في رمضان كان حامل المصحف، فتعالوا نتكلم عن تفاصيله.
قالب حامل المصحف الصغير مقاسه تقريبا ١٩×٢٩
وعلشان ننفذ حامل كامل بنفس درجات الألوان، اشتغلت ب ٢ قالب
استهلكنا حوالي ٩٠٠ الي ١٠٠٠
جم من الريزن، بالإضافة لشوية أحجار للتزيين وآيات قرآنية مصنوعة من الفينيل الدهبي يعني تقريبا لو جبنا
عبوة ريزن كيلو واحد هانعمل بيها الحامل كامل وبوك مارك ( فواصل ) وممكن ميدالية
كمان.
حامل القرأن الكريم بالريزن
اهم حاجه ننضف القوالب بتاعتنا كويس، ونخلط
النسب بتاعتنا بشكل مظبوط ونسيبها تريح شويه علشان البابلز.
ممكن نقسم كمية الريزن بتاعتنا
كالتالي:
٦٠٠جرام كطبقة اولى للقالبين
يعني ٣٠٠ جم كل قالب، وال ٤٠٠جرام التانيين هنعمل
بيهم الطبقة التانية يعني ٢٠٠ جرام لكل قالب.
لو هانشتغل بألوان سواء معتمه او الوان مايكا فالافضل اننا نخلط ( كمية الطبقة الأولى ) مع بعض علشان درجة الألوان
متتغيرش، لو هنشتغل بدون استخدام الوان (
درجة الشفافية ) فلازم نقسم كمية الريزن بتاعتنا على اكتر من كوب ( ٤ ل ٦ أكواب مثلا ), وبالنسبة للأحجار ف ممكن الكمية
اللي محتاجين نزين بيها الأطراف نضيف عليها كمية بسيطة من الريزن بحيث تمتزج
الأحجار بالريزن فقط.
حامل مصحف
هنضيف اول كمية من الريزن ( للطبقة الأولى )
في قالب السيليكون ونتأكد انها اتوزعت بشكل متساوي، بعدين نفرد الأحجار في الأماكن
اللي عايزين نزينها فقط وبعدين نضيف النص التاني من كمية الريزن ( الطبقة الأولى )
في منتصف القالب، ونبدأ نخرج البابلز بالولاعة او البشبوري.
هنسيب الريزن ينشف ويتصلب ونبدأ نحضر ( شيت
الكتابة / الآيات ) اللي عايزين نضيفها، مهم اوي ان الريزن ميكونش وصل لمرحلة
التصلب الكامل، احنا محتاجين يكون لين بشكل بسيط علشان نلزق عليه ( شيت الكتابه ).
قالب سيليكون حامل مصحف
بعدين نصب الكمية المتبقية من الريزن ( الطبقة التانية ) في القالبين ودي هتكون بدون ألوان تماماً علشان متغطيش على ( الكتابه ), نتأكد ان ( شيت الكتابه ) اتغطى بشكل كامل ونفرغ البابلز بالولاعه او البشبوري ونسيب القوالب تتصلب, وبعد ٢٤ ساعة ( او طبقاً لفترة التصلب ) نبدأ نشيل الحامل من القوالب.
البوك مارك ( الفواصل ) الأفضل في صبها انها
تمر بنفس مراحل قوالب الحامل علشان تاخد نفس الدرجات، ولوهيكون عليها كتابه ف
هانصبها على مرحلتين.
لو هانشتغل بألوان غامقة نراعي ان الكتابه
تكون فاتحة والعكس صحيح, ممكن نلون أطراف الحامل بقلم
ماركر ميتاليك او ندهنه بألوان دوكو ميتاليك, لو شايفين او حاسين ان الحامل
واخد زاويه منفرجه زياده ممكن نعمل فتحه صغيره في كل حامل ونضيفله شريطه ستان
بنفس ألوان الحوامل علشان نتحكم في ارتفاع الحامل.
متنسوش كمان انكم ممكن تطولوا الشريطه وتربطوا فيها ال بوك مارك، وانكم كمان ممكن تعملوا سبحه واخرها اي دلايه بسيطه فيها نفس الألوان وتقدموها هدية قيمة لحبايبكم الغاليين.
الريزن ميزته ان كل قطعه فيه Master piece
نفسها، استحاله تتكرر بنفس تفاصيلها.. أبدعوا يا فنانين.